فى الصورة رموز لاشكال الغرز واختصارات لاسمها بالانجليش
انا كنت حابة ااجل قراءة الباترون شوية لما نتعلم نشتغل الاول بس لقيت من الافضل اننا نمشى فيه مع الدروس اول باول
وده هيسهل الموضوع لاننا هنفهم الصور اسرع
طبعا السلسلة والمنزلقة اتعلمناهم الدرس اللى فات
ورمز السلسلة فى الباترون المرسوم دايرة مفرغة واحيانا لو الباترون صغير بتكون نقطة و فى الباترون المكتوب رمزها ch وهو اختصار لكلمة chain
اما المنزلقة فرمزها دايرة مصمتة فى الباترون المرسوم وفى المكتوب رمزها sl st اختصار لكلمتى slip stitch يعنى غرزة منزلقة
وانا قلت لكم المرة اللى فاتت اننا نقدر نعمل نسيج من المنزلقة وبيكون مقفول وليس به ثقوب
لكن مش هنشتغل نسيج منها اليوم هنركز على الغرز الاكثر شهرة
************************************************** ******************
اول غرزة معانا هى
غرزة الحشو
********************
ورمزها x او + فى المرسوم اما فى اباترون المكتوب فرمزها sc اختصار لكلمة single crochet لاننا بنعمل الغرزة دى من غير ما ناخد لفة على الابرة قبل ماندخل فى الغرزة اللى تحتها
لاحظوا معايا الصورة بتوضح طريقة عمل الحشو
وفى الصورة واضح انى لما ابدأ السلاسل
فى الحشو بنرتفع سلسلة واحدة اول سطر وبنعتبر ان السلسة دى بدل اول حشو فى السطر
زى الصورة دى بتوضح س (سلسلة ) فى اول السطر وبدل الحشو
وده عشان نحصل على نسيج اطرافه متساوىة ومستقيمة
سطر جديد لازم اعمل له ارتفاع من
ثانيا غرزة النصف عمود {البريد المنزلقة او العمود فى بعض الدول }
**********************************
استكمالا لشرح وتلخيص الغرز هنشوف الصورة دى
وغرزة النصف عمود رمزها فى الباترون المرسوم على شكل حرف T ورمزها فى الباترون المقروء hdc اختصار ل3 كلمات وهم half double crochet يعنى صف عمود
وهى اطول شوية من غرزة الحشو السالفة الذكر
و عشان كده بنرتفع اول السطر بسلسلتين
نشوف الشرح فى الصورة دى
وفيها بناخد لفة على الابرة وبعدين ندخل الغرزة فى السطر السابق او السلاسل لو احنا فى اول سطر وبنسحب لفة تانى ونخرج من الغرزة يبئى معانا 3 لفات على الابرة هناخد لفة تانى ونسحبها منهم كلهممممممم مرة واحدة
ثالثا غرزة العمود {العمود بلفة }
*************************
رمزها حرف T ولكن به شرطة مائلة انظر الصورة اسفله
اما الرمز فى الباترون المكتوب فرمزه dc اختصار لكلمة double crochet
والغرزة دى من سابقتيها وبنرتفع فى اول السطر 3 سلسلة وبعدين ناخد لفة على الابرة وندخل الغرزة اللى هنشتغل فيها ونسحب لفة
ثم نخرج من الغرزة ومعنا على الابرة 3 لفات زى النصف عمود لكن الفرق هنا اننا بنسحب لفة بننزل بيه لفتين من الابرة ونرجع نسحب لفة تانى ننزل بيها اللفتين الباقيتيتن
الشرح فى الصورة
والصورة دى بتوضح اننا بنرتفع 3 س اول السطر لما نشتغل عمود بلفة (ع)
ما اتعرفنا على الغرز السابقة بقى ان اوضح لكم فكرة معينة وهى اننا ممكن نزود عدد اللفات على الابرة قبل الدخول فى الغرزة من السطر السابق
يعنى ممكن ناخد لفتين ونعمل عمود بلفتين
وناخد3 لفات ونعمل ع ب 3 لفات وهكذا شوفوا معاااااااااياااااااااا
رابعا العمود بلفتين
*******************************
رمزه فى الباترون المرسوم حرف T وعليه شرطتين مايلين انظرى الصورة اسفله
وفى الباترون المكتوب رمزه tr اختصار لكلمة treble crochet
وده ارتفاعه 4 سلاسل فى اول السطر وزى ما وضحت اننا بناخد لفتين على الابرة وندخل الغرزة نسحب كمان لفة ونطلع معنا 4 لفات نسحب لفة ننزل بيها لفتين من الابرة وكمان لفة ننزل بيها لفتين ثم نسحب لفة ننزل بيها اللفتين الاخيرتين
خامسا غرزة العمود ب 3 لفات
***********************************************
رمزها فى الباترون المرسوم حرف T وعليه 3 لفات
وفى الباترون المكتوب dtr اختصار لكلمة double treble crochet
وفى الغرزة دى ناخد 3 لفات على الابرة ثم ندخل الغرزة من السطر السابق ونسحب لفة يبئى معانا 5 لفات نسحب لفة ننزل بيها لفتين ونفضل نكرر كل مرة نسحب لفة ننزل بيها لفتين لحد مانخلص ال5 لفات اللى معانا
وطبعا ارتفاع السطر 5سلاسل
التطبيق الاجبارى لهذا الجزء من الدرس
عمل 6 سلاسل ونشتغل عليهم سطرين عمود ب 3 لفات
وهكذا يا قمرات كل مازادت اللفات كلما طول العمود
زى الصورة دى
ودى بتوضح لنا شكل وطول العمود ب 4 لفات
وانا اكتفيت الشرح لحد كده المهم تكون الفكرة وضحت
وللبتا اللى سالت عن طرقة اخفاء الخيط فى الشغل
شوفوا معايا الصورة دى
وممكن نبعد ما نخلص الشغل ونقص الخيط ونسحبه من الغرزة ندخل بارة الكروشيه فى اخر 3 او 4 غرز فى جسم الغرزة نفسه ونسحب بيها الخيط الزائد داخل الغرز